Конго Демократик Республикаси 22 аскарини қочганлик учун ўлим жазосига ҳукм қилиши мумкин

Прокурорлар Конго Демократик Республикаси шарқидаги (КДР) Луберо шаҳрида бўлиб ўтган трибунал йиғилишида фронт чизиғини тарк этган 22 аскарни ўлим жазосига ҳукм қилишни талаб қилди.

Бу ҳақда Agence France-Presse хабар берди.

“Айбланувчилар, жумладан, капитан унвонига эга бўлганлар ўз позицияларини ташлаб, душмандан қочиб, буйруқни бузган, қўрқоқлик кўрсатган ва ҳарбий техникани йўқотган”, - дейди прокуратура вакили, капитан Каҳамбу Муҳасу Мелисса.

"Ҳарбий хизматчилар ўз позицияларини ташлаб, халқни ҳимоя қилиш ўрнига қочиб кетишди ва энг катта жазо - ўлим жазосига лойиқдир", - дея қўшимча қилди у.