«Номзодимни олишга фақат Худо мажбурлаши мумкин»
АҚШ президенти Жо Байден президентлик сайловида қатнашиш фикридан воз кечмаслиги, бу ишни қилишига фақат Худо мажбурлай олишини айтди.
«Мен НАТОни бирлаштирган, Путинни тўхтатган йигитман», деган Байден 5 июл куни ABC телеканалига берган интервюсида. Журналистнинг номзодингизни оласизми, деган саволига жавоб бераркан, буни Худо кўнглига солсагина қилишини айтди: «Агар Худо мени бунга мажбурласа, қилишим мумкин», деган АҚШ президенти.
Байден Трамп билан дебат ҳақида гапирар экан, уни «ёмон эпизод» деб атади. Шунингдек, ўша куни қаттиқ шамоллагани, ўзини жуда ёмон ҳис қилганини айтди. Аммо саломатлигида муаммо йўқлигини қўшимча қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
