Эрон янги президентининг инаугурацияси қачон бўлиши айтилди
Эроннинг сайланган президенти Масуд Пезешкианнинг инаугурация маросими у парламент депутатлигидан кетганидан кейингина бўлиб ўтади. Бу ҳақда парламент президиуми вакили, президентлик сайловларини ташкил этиш ижроия қўмитаси аъзоси Алиризо Салими маълум қилди.
“Межлиснинг танаффусдан кейинги биринчи мажлиси 31-куни (Григориан тақвими бўйича 21 июлга тўғри келади – ТАСС) бўлиб ўтади, унда Пезешкиандан депутатнинг ваколатларини олиб ташлаш масаласи бўйича овоз бериш бўлиб ўтади», - дея унинг сўзларидан иқтибос келтиради NourNews агентлиги. Салимининг таъкидлашича, инаугурация маросимидан икки ҳафта ўтгач, сайланган президент ўз вазирлар маҳкамасини парламентга тасдиқлаш учун тақдим этиши керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
