Агар НАТО тинчлик ўрнига урушни танласа...

Агар НАТО тинчлик ўрнига урушни танласа, ўз жонига қасд қилади, дейди Венгрия Бош вазири Виктор Орбан. У бу фикрини Newsweek журналига берган мақоласида билдирди.

«НАТО бурилиш нуқтасига яқинлашмоқда. Шуни эсда тутиш керакки, жаҳон тарихидаги энг муваффақиятли ҳарбий иттифоқ тинчлик лойиҳаси сифатида бошланган ва унинг келажакдаги муваффақияти тинчликни сақлаш қобилиятига боғлиқ. Аммо бугунги кунда тинчлик ўрнига уруш кун тартиби, мудофаа ўрнига ҳужум. Буларнинг барчаси НАТОнинг асосий қадриятларига зиддир», - дейди Орбан.