“Инсонлар ҳаётига ва мол-мулкига хавф соладиган даражага келиб қолган” — Чилонзорда чинорлар кесилиши юзасидан изоҳ берилди

“Эколог.уз” Telegram каналида “Тошкент шаҳар, Чилонзор-17, Ботирма маҳалласида кўп йиллик чинор дарахтлари кесиб ташланибди” мазмунидаги хабар эълон қилган эди.

Ҳолат юзасидан Тошкент шаҳар Экология, атроф-муҳитни муҳофаза қилиш ва қилим ўзгариши бошқармаси матбуот хизмати изоҳ берди.

Чилонзор тумани инспекцияси томонидан ўрганилганда “Ботирма” маҳалласидаги кўп йиллик чинорлар табиий омиллар таъсирида қуриб, инсонлар ҳаётига ва мол-мулкига хавф соладиган даражага келиб қолгани учун қуриган шохлари санитар мақсадида буталанганини маълум қиламиз.

Май ойи бошида Чилонзор туманида бир ёшли болани аравачасида дарахт босиб қолган ва у ҳодиса жойида вафот этган эди. Ҳолат юзасидан жиноят иши қўзғатилганди.

Эслатиб ўтамиз, президент фармони билан давлат ўрмон фондига кирмайдиган дарахтлар ва буталар қимматбаҳо навларининг кесилишига мораторий муддатсиз даврга узайтирилган.