Расман: «Локомотив» Қирғизистон терма жамоаси сардори билан шартнома имзолади

«Локомотив» футбол клуби мавсум оралиғидаги трансферлар ойнасида ўз таркибини кучайтиришни бошлади.

Қирғизистон терма жамоаси сардори, миллий терма жамоа таркибида 47 ўйин ўтказиб, 5 марта рақиблари дарвозасини ишғол қилган марказий ҳимоячи Валерий Кичин сўнгги 4 мавсум давомида Россиянинг «Енисей» жамоаси шарафини ҳимоя қилган ва 119 учрашувда 18 бора рақиблари постига йўл топган.

"Валерий Кичин иккинчи даврада жамоамиз шарафини ҳимоя қилади ва унинг жамоамиздаги фаолиятига омад тилаб қоламиз", - дейилади клуб баёнотида.