АҚШ Суданга 203 миллион доллар ёрдам беришга қарор қилди
АҚШнинг Бирлашган Миллатлар Ташкилотидаги (БМТ) доимий вакили Линда Томас Гринфилд, Суданга қўшимча 203 миллион доллар ёрдам беришларини маълум қилиб, пулнинг даво эмаслигини билдирди.
Бирлашган Миллатлар Ташкилотида матбуот анжумани уюштириб, Суданга қўшимча ёрдамни эълон қилган Гринфилд, Судан ва қўшни давлатлардаги вазиятнинг жиддийлигига эътибор қаратди ва бу ўлкадан Чадга қочганлар сонининг бир йилда кўпроқ бўлганини билдирди.
Гринфилд, «Бу дунёнинг энг даҳшатли гуманитар инқирози» деди ва Судан учун олинган мажбуриятларнинг бажарилмаганини айтди.
Судан халқига ёрдам беришни давом эттириш зарурлигини қайд этган Гринфилд, АҚШ бу йил 500 миллион доллар ёрдам берганини эслатди.
Гринфилд, ўз мамлакатининг ҳам Суданга 203 миллион доллар ёрдам беришга қарор қилганини маълум қилди.
Пулнинг даво эмаслигини билганликларини билдирган Гринфилд, инқирознинг асосий муаммоларини ҳал қилиш учун ҳаракат қилганликларини ҳам ифода этди.
Минтақадаги шериклар билан биргаликда ҳаракат қилганликларини қайд этган Гринфилд, нафақат Судандаги томонларга, балки қўллаб-қувватловчиларга ҳам босим ўтказиш кераклигини таъкидлади.
