2 та ўйинда майдонга тушган Месси Копа Америка гуруҳ босқичининг энг яхши ўйинчиси деб топилди

Лионель Месси WhoScored талқини бўйича Америка кубоги гуруҳ босқичининг энг яхши футболчиси деб топилди.

Аргентиналик форварднинг ўртача бали 8,51 ни ташкил қилди. Лионель иккита ўйинда битта голли узатмани амалга оширди ва 6 та голли вазият яратди.

Турнирнинг биринчи босқичи учун рамзий терма жамоа ҳам тузилди. Унга ўз позицияларида энг юқори рейтингга эга бўлган футболчилар киритилган.

Жамоа таркибига қуйидагича:

– дарвозабон: Клаудио Браво (Чили, 7,78);

– ҳимоячилар: Даниэль Муньос (Колумбия, 7,81), Рональд Араухо (Уругвай, 7,73), Кристиан Ромеро (Аргентина, 7,72), Хон Арамбуру (Венесуэла, 8,1);

– ярим ҳимоячилар: Хамес Родригес (Колумбия, 8,12), Мануэль Угарте (Уругвай, 7,77), Мойсес Кайседо (Эквадор, 7,75), Максимилиано Араухо (Уругвай, 7,88);

– ҳужумчилар: Лионель Месси (Аргентина, 8,51), Дарвин Нуньес (Уругвай, 7,94).