14 йил аввал ёпилган қирғиз-ўзбек чегарасидаги назорат-ўтказиш пункти очилади
Қирғизистон-Ўзбекистон чегарасидаги «Қорасув» назорат-ўтказиш пункти яқин кунларда очилиши мумкин. Бу ҳақда қирғиз томони ОАВси ёзмоқда.
Президент Садир Жапаровнинг Ўш вилоятидаги ваколатли вакили Элчибек Жантаевнинг сўзларига кўра, реконструкция ишлари доирасида бундан 14 йил аввал ёпилган «Қорасув» назорат-ўтказиш пунктигача бўлган йўллар кенгайтирилган.
«Бугунги кунда назорат пункти очилишга тайёр. Қирғизистон ва Ўзбекистон фуқаролари ушбу пункт орқали давлат чегарасини кесиб ўтиши мумкин бўлади», – дейилади хабарда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
