Россия билан гаплашиш керак: НАТОнинг истеъфога чиқаётган раҳбари интервю берди
Столтенбергга кўра, НАТО Россия босқинининг олдини олиш учун кўпроқ ҳаракат қилиши мумкин эди.
Ғарб ҳарбий альянсининг истеъфога чиқаётга раҳбари шанба куни эълон қилинган интервьюсида НАТО 2022 йилда Россия босқинидан олдин ҳужумнинг олдини олиш учун Украинани қурол-яроғ билан таъминлаши мумкин эди, деди.
НАТО Бош котиби Йенс Столтенберг Германиянинг Франкфуртер Аллгемеине Соннтагсзеитунг ҳафталик газетасига берган интервьюсида: «Ҳозир биз урушни ҳарбий аслаҳалар билан таъминлаяпмиз. Урушнинг олдини олиш учун ҳарбий воситалар билан таъминлашимиз ҳам мумкин эди» деди.
Столтенбергнинг айтишича, НАТО Россия билан зиддият кучайишидан хавотирда Киевга ўшанда сўраган қуролларни беришни истамаган.
У, шунингдек, урушни тугатиш учун фақат музокаралар муваффақият қозонишини айтди.
«Урушни тугатиш учун маълум бир босқичда Россия билан яна мулоқот бўлиши керак», - деди у.
Столтенберг ушбу лавозимда 10 йил ишлаганидан сўнг, октябрь ойида НАТОдаги вазифасидан кетади. Унинг ўрнини Голландиянинг собиқ бош вазири Марк Рютте эгаллайди.
