Тадбиркорлар ва экотизим ходимлари Bizning Uzum кампаниясининг қаҳрамонларига айланишди

Uzum миллий экотизими унинг пайдо бўлганига сабабчи бўлган ва экотизимини ривожлантираётган одамлар — бутун мамлакат бўйлаб ходимлар ва тадбиркорлар иштирокида кампанияни ишга туширди.

Uzum бугун — бу 11 мингдан ортиқ ходим, мамлакат бўйлаб 180 та аҳоли пунктида буюртма топшириш пунктлари, 10 мингдан ортиқ сотувчилар ва 1600 та кафе, ресторан ва ҳамкор дўконлар. Ҳар ой Uzum сервисларидан мамлакатнинг 10 миллиондан ортиқ аҳолиси фойдаланади.

— Uzum'да ҳар биримизнинг одамларимиз бор — компания ишлайдиган танишлар, дўстлар, қариндошлар. Uzum сервисларидан фойдаланган ҳолда ўз бизнесларини ривожлантираётган ёки шунчаки сервислардан фаол фойдаланаётган ва қандай қилиб энг яхши нархларни топиш ёки максимал кешбекни олишни аниқ биладиганлар, — деди Uzum ташқи коммуникациялар ва ижтимоий лойиҳалар бўйича директори Мария Скорик. — Uzum — бу бизнинг умумий ғуруримиз, мамлакат тарихидаги биринчи IT-яккашох ва албатта, мамлакатнинг ўз рақамли экотизими пайдо бўлишига сабабчи бўлган одамлар. Шунинг учун айнан бизнинг одамлар, бизнинг қаҳрамонларимиз миллий рақамли экотизимнинг янги кампаниясида пайдо бўлишди.

Uzum ходимлари, ҳамкорлари, фойдаланувчилари иштирокидаги ташқи реклама мамлакатимизнинг 6 вилоятида пайдо бўлди. Суратга олишда Тошкент , Самарқанд , Бухоро , Хоразм , Андижон вилоятлари ва Қорақалпоғистон Республикасидан 37 нафар қаҳрамон иштирок этди.

— Uzum — бу биринчи навбатда одамлар ҳақида. Минглаб ходимлар, ҳамкорлар ва тадбиркорлар ҳар куни Ўзбекистонда одамларнинг ҳаёти янада қулай бўлиши учун ҳаракат қилмоқда. Uzum'нинг бозордаги 2 йиллик муваффақияти — ҳар бир кишининг ютуғидир. Бренднинг барча ютуқлари замирида Ўзбекистонда яшаётган ва ишлаётган одамларимизнинг ҳиссаси туради ва айнан шуни «Бизнинг одамлар» реклама кампаниясида таъкидламоқчи бўлдик,

— дейди «Sintez» агентлиги креатив директори Фаррух Шариф.

— Жамоамиз учун бу лойиҳа энг йирик лойиҳалардан бирига айланди — икки ҳафта ичида биз бутун мамлакатни Тошкентдан Нукус ва Андижонгача айланиб чиқдик, ақл бовар қилмас миқдордаги одамлар билан танишдик, юзлаб локацияларни кўздан кечирдик, — дейди «Xen production» бош директори Ксения Леонтева. — Биз учун маҳаллий аҳоли аниқ биладиган жойларни топиш, шу билан бирга энг машҳур сайёҳлик жойларидан узоқлашиш муҳим эди. Шу билан бирга, жамоамиз учун лойиҳадаги энг қийин ва қизиқарли бўлган нарса — бу моделлар билан эмас, балки ҳақиқий ҳайдовчилар, курьерлар, ҳуқуқшунослар, тадбиркорлар билан қидириш ва ишлаш бўлди.

Лойиҳани ишлаб чиқишда «Sintez» креатив агентлиги, «Xen production» ва Uzum PR жамоаси иштирок этди. Лойиҳа фотографи Андрей Аракелян.

Реклама ҳуқуқи асосида