Zelenskiy AQSh Kongressi Vakillar palatasiga qonun loyihasini ma’qullagani uchun minnatdorchilik bildirdi
![Zelenskiy AQSh Kongressi Vakillar palatasiga qonun loyihasini ma’qullagani uchun minnatdorchilik bildirdi Zelenskiy AQSh Kongressi Vakillar palatasiga qonun loyihasini ma’qullagani uchun minnatdorchilik bildirdi](/photos/news/pLsvqFn5uxbfq2c.jpeg)
Prezident Vladimir Zelenskiy AQSh Kongressi Vakillar palatasiga Ukraina va ittifoqchilarga qariyb 61 milliard dollar yordam ko‘rsatishni nazarda tutuvchi qonun loyihasini ma’qullagani uchun minnatdorchilik bildirdi.
Bu haqda davlat rahbari X ijtimoiy tarmog‘ida ma’lum qildi.
U AQSh Kongressining quyi palatasiga, har ikki partiyaga va shaxsan spiker Mayk Jonsonga “tarixning to‘g‘ri yo‘nalishini saqlaydigan qaror” uchun minnatdorchilik bildirdi.
Prezident, shuningdek, qonun loyihasi Senatda qo‘llab-quvvatlanib, prezident Jo Baydenga ko‘rib chiqish uchun yuborilishiga umid bildirdi.
"Demokratiya va erkinlik har doim dunyoda muhim bo‘lib qoladi va Amerika ularni himoya qilar ekan, hech qachon barbod bo‘lmaydi. Bugun Vakillar palatasi tomonidan qabul qilingan AQShning muhim yordam qonun loyihasi urush tarqalishining oldini olishga, minglab minglab odamlarning hayotini saqlab qolishga yordam beradi”, dedi Zelenskiy.