Yaponiya va Kambodja Ukraina hududini tozalashga yordam bermoqchi

Yaponiya Kambodja bilan birgalikda Ukraina hududini minalardan tozalash ishlarini olib boradi, bu haqda Yaponiya tashqi ishlar vaziri Yoko Kamikava Pnompenga tashrifi chog‘ida ma’lum qildi.

U shunday tajribani boshidan kechirgan davlat Ukraina hududini minalardan tozalashga katta hissa qo‘shishiga ishonch bildirdi.

Kambodja minalarni tozalash texnologiyalari bo‘yicha jahon yetakchilaridan biri hisoblanadi. Qariyb 30 yil davom etgan fuqarolar urushi Kambodjada millionlab minalar joylashtirildi.

1998 yilda urush tugaganidan buyon mamlakat Yaponiya bilan hamkorlikda o‘z hududidan minalarni tozalash ishlarini olib bormoqda.

Ukraina, Rossiya bosqinidan 14 oy o‘tib - o‘tgan yilning bahorida - bu ko‘rsatkich bo‘yicha Afg‘oniston va Suriyani ortda qoldirib, dunyodagi eng yirik minalangan hududga aylandi.

O‘sha paytda ishg‘ol ostida bo‘lgan Ukraina hududining deyarli uchdan bir qismi (174 000 kv. km) minalar bilan ifloslangan.

Ukraina dunyodagi eng katta minalangan hudud hisoblanadi. Bahor boshlanishi bilan mina portlatish xavfi ortadi