Ukraina NATOga qachon qabul qilinadi?

Shimoliy Atlantika alyansining sobiq bosh kotibi Yens Stoltenberg Financial Times nashriga intervyu berdi. Intervyudan asosiy fikrlar:

— Rossiya Federasiyasi tomonidan boshlangan urush paytida Ukrainaning NATOga kirishi alyansni bevosita urush ishtirokchisiga aylantirmaydi. "Qo‘shma Shtatlar Yaponiyaga xavfsizlik kafolatlarini berdi, ammo ular Rossiya tomonidan nazorat qilinadigan, Tokio Yaponiya hududi deb hisoblagan Kuril orollariga taalluqli emas", dedi Stoltenberg. "Xohish bo‘lsa, imkoniyat ham topiladi. Lekin bunda NATO Nizomining 5-moddasi qayerda qo‘llanilishini aniqlaydigan chiziq kerak va Ukraina bu chegaragacha bo‘lgan butun hududni o‘z nazoratiga olgan bo‘lishi zarur";

— "Ukraina Rossiya bilan tinchlik bo‘yicha muzokaralar olib boradimi yoki yo‘qmi, buni o‘zi hal qiladi", dedi NATOning sobiq rahbari. Biroq Kiyevning ittifoqchilari “ruslar bilan muzokara stoliga o‘tirib, qabul qilish mumkin bo‘lgan qandaydir yechimga kelishlari, mustaqil davlat sifatida yashab qolishi mumkin bo‘lgan qarorga kelishlari uchun sharoit yaratishi kerak;

— "NATO davlatlari, umuman olganda, hali ham mudofaa uchun yetarli mablag‘ ajratmayapti, Rossiya Federasiyasi esa buni biladi", dedi Stoltenberg. 2024 yil oxirigacha alyansga a’zo 32 ta davlatdan 23 tasi o‘z yalpi ichki mahsulotining 2 foizini ushbu maqsadlarga yo‘naltira boshlashi kutilmoqda. "Yomon tomoni shundaki, bu yetarli emas", dedi sobiq bosh kotib. Uning so‘zlariga ko‘ra, Yevropa hozir Rossiyadan ko‘ra kamroq darajada qurollangan va buni tuzatish uchun investisiyalar “2% dan ko‘proq miqdorda bo‘lishi muhim”.