Britaniya Afrikadagi so‘nggi mustamlakasidan voz kechadi
Britaniya Chagos orollarini Mavrikiy Ittifoqiga qaytarmoqchi, bu Britaniyaning Afrikadagi so‘nggi mustamlakasi bo‘yicha o‘nlab yillar davom etgan bahsda sezilarli o‘zgarishlarni ko‘rsatmoqda. Qaror ko‘p yillik muzokaralar va xalqaro bosimlar natijasi bo‘ldi.
2019 yilda Bosh Assambleya va Xalqaro Sud Britaniyaga Chagosni Mavrikiya hukmronligiga qaytarishni buyurib, orollarni bosib olingan hudud deb hisoblagan. Bosh Assambleyadagi ovoz berish jarayonida faqat ikki davlat - Britaniya🇬🇧 va AQSH🇺🇸 qarshi chiqdi. Buning sababi, arxipelagdagi Diyego Garsiyada ikkala davlatning ham yirik harbiy bazalari bor.
1960-1970 yillarda inglizlar harbiy bazalarini kengaytirish uchun mahalliy Chagossiyalarni uylaridan majburan quvib chiqarishdi. Natijada, so‘nggi 60 yil ichida arxipelagda faqat AQSh va Britaniya harbiy xizmatchilari yashagan - atigi 3 ming kishi.
Kelishuv Chagossiyaliklarga o‘z huquqlarini qaytarib olish imkonini bersada, Diyego Garsiya - Buyuk Britaniya va AQSh uchun asosiy harbiy baza - Britaniya nazorati ostida qoladi. Sovuq urush strategiyalariga asoslangan bu istisno mustamlakachilik merosi bilan yashashga majbur bo‘ladigan ko‘plab Chagossiyaliklar uchun achchiq bo‘ldi.
