Konsertlarning ssenariysini oldindan tasdiqlatish tartibi joriy etilishi mumkin

Madaniyat vazirligi ishlab chiqqan qaror loyihasi tasdiqlansa, konsertlardan oldin ularning batafsil ssenariysini “O‘zbekkonsert”ga taqdim etish va ko‘rib chiqish uchun to‘lov qilish kerak bo‘ladi. G‘oyaviy-badiiy saviyasi past, milliy an’analar va umumbashariy qadriyatlarga mos emas deb topilgan tadbirlarni o‘tkazishga ruxsat berilmaydi.

O‘zbekistonda konsert-tomosha tadbirlarining tashkilotchilariga yangi talab qo‘yilishi mumkin. Madaniyat vazirligi bu borada hukumat qarori loyihasini muhokamaga qo‘ydi.

Loyihaga ko‘ra, konsert-tomosha o‘tkazishga ruxsat olish uchun tashkilotchilar konsert-tomoshaning batafsil tafsilotlarigacha yoritib berilgan aniq ssenariysini “O‘zbekkonsert” davlat muassasasiga taqdim etishi ko‘zda tutilmoqda.