Jahon banki O‘zbekistonga 800 million dollar miqdorida imtiyozli kreditlar ajratadi

Jahon banki O‘zbekistondagi tarkibiy islohotlar dasturini qo‘llab-quvvatlash uchun 800 million dollar miqdorida imtiyozli kreditlar ajratishini ma’lum qildi.

«Ushbu islohotlar mamlakatning inklyuziv va barqaror bozor iqtisodiyotiga o‘tishini jadallashtirishga qaratilgan», — deyiladi tashkilot xabarida.

Jahon bankining mablag‘lari orqali quyidagi sohalardagi islohotlarda natijalarga erishish rejalashtirilgan:

1. Ijtimoiy himoya tizimi;
2. Gender zo‘ravonlikka qarshi kurash;
3. Fermerlarning qishloq xo‘jaligi yerlariga egalik qilish va ulardan foydalanish huquqlarini ta’minlash;
4. Ishbilarmonlik muhitini yaxshilash;
5. Davlat moliyalarini boshqarish;
6. Iqlim o‘zgarishiga qarshi kurashish;
7. Suv resurslarini boshqarish;
8. Atrof-muhit va iqlimga ta’sirni baholash;
9. Iqlim o‘zgarishiga chidamlilikni oshirishga investisiyalar;
10. Temir yo‘l sektori;
11. Energetika sektori.