SAXAL Isroil shimolida ikki askar halok bo‘lganini tasdiqladi

Mamlakat shimolida uchuvchisiz havo hujumi oqibatida ikki nafar Isroil Mudofaa kuchlari (SAXAL) askari halok bo‘ldi, 24 nafari yaralandi. Bu haqda SAXAL matbuot xizmati xabar berdi. Uning so‘zlariga ko‘ra, Golan tepaliklarining shimoliy qismidagi armiya bazasida xizmat qilayotgan Golani brigadasining 13-batalyoni signalchilari Iroqdan uchirilgan ikkita uchuvchisiz uchish apparati hujumi chog‘ida halok bo‘lgan. Armiya matbuot xizmati ma’lumotlariga ko‘ra, Yaqin Sharqdagi mojaroning yangi bosqichida isroillik harbiylarning umumiy soni allaqachon 726 kishini tashkil etgan.