Yaponiya Ukrainaga 10 yil muddatga yordam imzolaydi - NHK

Yaponiya bosh vaziri Fumio Kisida Italiyadagi G7 sammitida Ukraina prezidenti Vladimir Zelenskiy bilan o‘n yillik qo‘llab-quvvatlash shartnomasini imzolaydi. Bu haqda Yaponiyaning NHK telekanali manbalarga tayanib xabar berdi.

Hujjatda Tokioning Kiyevga bir qancha sohalarda, jumladan xavfsizlik va razvedka sohasida yordam ko‘rsatishi haqida so‘z boradi.

Kelishuv doirasida Yaponiya tomoni halokatli bo‘lmagan jihozlarni yetkazib berish, ukrainalik askarlarni davolash, minalardan tozalash va qishloq xo‘jaligini rivojlantirish bo‘yicha majburiyatlarni oladi.