"Urush ertaga tugaydigandek": Rossiya armiyasining hujumlari intensivligi keskin oshib ketgan
DeepState tahlilchilariga ko‘ra, So‘nggi 5 oy ichida Rossiya armiyasining hujumlari intensivligi 39 foizga oshdi.
Rossiya armiyasining o‘rtacha kunlik hujumlar soni 50 taga ko‘paydi: joriy yilning may oyida 122 ta hujum qayd etilgan bo‘lsa, sentyabr oyining ilk 19 kunida 170 taga yaqin hujum sodir etilgan.
Kecha so‘nggi vaqtlar uchun rekord o‘rnatildi — so‘nggi 24 soat ichida 226 ta zarba berildi.
Reuters shuningdek, hujumlar xarakterining o‘zgargani haqida yozmoqda: xabarda yozilishicha motorli bo‘linmalar piyodalar bilan almashtirilmoqda.
Nashrning ta’kidlashicha, Ukraina Qurolli Kuchlarining Kursk operasiyasi boshlangandan so‘ng, ruslar "urush ertaga tugaydigandek" zaxiralardan tez-tez foydalanishni boshladilar.