Toshkent – Krasnoyarsk – Toshkent yo‘nalishi bo‘yicha aviaqatnovlar kechiktirilishi ma’lum qilindi

Uzbekistan Airways Toshkentdan Krasnoyarskka va ortga parvoz qiladigan yo‘lovchilarga murojaat bilan chiqdi.

Ta’kidlanishicha, bugun 21 sentyabr kuni rejalashtirilgan HY9683/9684 aviaqatnovi texnik sabablarga ko‘ra Toshkent – Krasnoyarsk – Toshkent yo‘nalishi bo‘yicha kechikib amalga oshiriladi.

Jadvalga muvofiq:

• Toshkentdan jo‘nab ketish mahalliy vaqt bilan soat 12:00;
• Krasnoyarskka yetib kelish mahalliy vaqt bilan soat 17:30.
• Krasnoyarskdan jo‘nab ketish mahalliy vaqt bilan soat 19:00;
• Toshkentga yetib kelish mahalliy vaqt bilan soat 20:50

Keltirilgan noqulayliklar uchun uzr so‘raldi.