O‘quvchi qizlar TikTok uchun butun bir fermani yoqib yubordi
TikTok uchun video suratga olish paytida, ikki o‘quvchi qiz Perm o‘lkasidagi fermani yoqib yuborishdi. Bu haqda IIV viloyat Bosh boshqarmasi matbuot xizmati xabar berdi.
Ma’lumotlariga ko‘ra, ikki o‘quvchi qiz fermer xo‘jaligiga yo‘l olishgan, u yerda 195 tonnadan ortiq hajmdagi somon uyumlarini topishgan. Ular TikTok ijtimoiy tarmog‘i uchun video tayyorlashda quruq o‘tdan foydalanishga qaror qilishdi. Qizlar yig‘ilgan somonga o‘t qo‘yib, nima bo‘layotganini videoga oldilar. Keyin esa olovni o‘chira boshladilar. Ammo olov kuchayib ketdi. Maktab o‘quvchilari uni o‘chira olmadilar va qochib ketdilar. Keyinchalik yong‘in o‘t o‘chiruvchilar tomonidan o‘chirildi. Shu bilan birga, fermaning 150 ming rubl miqdoridagi mol-mulki yonib ketdi.
Yong‘inning sababchilari tuman milisiyasi xodimi tomonidan aniqlangan. Huquqni muhofaza qilish organlari xodimlari qizlarning ota-onalari bilan tushuntirish suhbati o‘tkazdilar.
O‘z navbatida fermer xo‘jaligi egasi sudga murojaat qilish va ota-onalaridan yetkazilgan zararni undirish huquqiga ega.