Ukrainada qurollarning nazoratsiz aylanishi dunyo uchun yomon oqibatlarga olib keladi

Britaniyaning Times gazetasi Ukrainada aniq miqdori noma’lum bo‘lgan qurollarning nazoratsiz aylanishi butun dunyo bo‘ylab jiddiy oqibatlarga olib kelishi mumkinligini yozdi.

OAV xabarlariga ko‘ra, boshqa mamlakatlardan ko‘ra ko‘proq qurol import qiladigan Ukraina o‘qotar qurollar inqilobini boshidan kechirmoqda. Gazeta yozganidek, "mamlakatda qancha qurol muomalada ekanligini va urushdan keyin ular bilan nima sodir bo‘lishi butun dunyoda jiddiy oqibatlarga olib kelishini" hech kim bilmaydi.

Times ekspertlarga tayanib, agar Kiyev hukumati jangovar harakatlar tugagandan so‘ng fuqarolardan ro‘yxatdan o‘tmagan qurollarni sotib olmasa, bu mamlakatda ulardan foydalangan holda hujumlar ko‘payishiga olib kelishi va Ukrainaning o‘zi "jinoyatchilar uchun qurol bozori"ga aylanishi mumkinligini ta’kidlaydi.

Nashrning ta’kidlashicha, uyushgan jinoyatchilikka aloqador bo‘lgan oz sonli ukrainaliklar ham "Evropada tartib va qonuniylikni ta’minlashda jiddiy muammolarni keltirib chiqarishi mumkin". Gazetaning yozishicha, Ukrainadan ro‘yxatdan o‘tmagan pulemyotlar, bog‘larga ko‘milgan granatalar, garajlarda yashiringan tanklar haqida xabarlar kelmoqda.