Tojikiston aholisini «qora rangdan saqlanishga» chaqirdi

Tojikiston aholisi tor kiyim va qora kiyim kiymasliklari kerak. Bu haqda Tojikiston Islom markazi Ulamolar kengashi tomonidan 26 iyul kuni chiqarilgan «Milliy kiyim to‘g‘risida» fatvoda aytilgan. Hujjatga ko‘ra, fatvo berishda ulamolar hanafiy huquqiy mazhabi qoidalariga tayangan.

«Dinimiz nuqtai nazaridan qora rang farz bo‘lmaganligi, milliy xususiyatlarimiz va geografik sharoitimizga ham to‘g‘ri kelmaydiganligi sababli ayollarning tor va qora kiyimlari, shoyi va boshqa tana a’zolarini ko‘rinadigan narsalarni kiyish tavsiya etilmaydi. », deyiladi fatvoda.

🧕 Ilgari mamlakat prezidenti Imomali Rahmon satr va hijob - musulmon ayollarning bosh va bo‘yinlarini yopuvchi ro‘mollarini tojiklarga begona, deb atagan edi.