Sayyoramiz haddan ziyod isimoqda

Milliardlab odamlar haddan tashqari issiqlik epidemiyasi, harorat 50 darajadan ham ko‘tarilishi va o‘limga olib keladigan jazirama to‘lqini holatiga duch kelmoqda, dedi BMT Bosh kotibi Antoniu Guterrish o‘zining “Harakatga chaqiruv” nomli yangi ma’ruzasida.

– Kutilmagan baland harorat dunyo iqtisodiyotini izdan chiqaradi, tengsizlikni kuchaytiradi, BMT Barqaror rivojlanish maqsadlariga putur yetkazadi va odamlarning umriga zomin bo‘ladi, – deyilgan ma’ruzada. – Bir so‘z bilan aytganda, Yer tobora isib, yashash uchun xavfli joyga aylanmoqda.

“Harakatga chaqiruv” BMTning o‘n ixtisoslashgan agentligi tajribasi asosida ishlab chiqilgan, mislsiz issiq ta’sirini yoritib beruvchi dastlabki hujjat hisoblanadi.