Rossiya prezidenti Saudiya Arabistoni valiahd shahzodasi bilan telefon orqali muloqot qildi

Rossiya prezidenti Vladimir Putin va Saudiya Arabistoni valiahd shahzodasi va Vazirlar kengashi raisi Muhammad bin Salmon al Saud telefon orqali muloqot qildi. Bu haqda Kreml matbuot xizmati xabar bermoqda .

Suhbat chog‘ida ikki mamlakat o‘rtasidagi siyosat, iqtisodiyot va energetika sohalaridagi hamkorlikning dolzarb masalalari muhokama qilindi.

« Energetika bozorida barqarorlikni ta’minlash uchun OPEK Plus doirasida yaqin muvofiqlashtirishni davom ettirish muhimligi qayd etildi», — deyiladi nashrda.

Tomonlar turli darajadagi aloqalarni davom ettirishga kelishib oldilar.