Putinning bayonotlari haqida nima yozishyapti?
Xorij ommaviy axborot vositalari Putinning Ukrainadagi kelishuv bo‘yicha takliflari va prezidentning boshqa bayonotlari haqida o‘z xulosalarini yozmoqda.
Financial Times: Rossiya prezidentining juma kuni nutqi chog‘ida qo‘ygan talablari juda aniq edi. Ukraina to‘rtta hudud ustidan nazoratni samarali ravishda Rossiyaga topshirish shartlarini qabul qilishi dargumon.
Daily Mail: Putinning Ukraina bo‘yicha Shveysariya sammiti arafasida qilgan bayonoti Kiyevda “qabul qilib bo‘lmaydigan taklif” sifatida baholanadi.
Newsweek: Putin dahshatli bayonot berib, dunyo qaytib kelmaydigan nuqtaga yaqinlashganini ta’kidladi.
Mirror: Putin G‘arbni Uchinchi jahon urushi haqida ogohlantirdi. U Ukrainada bosib olgan hududlar abadiy Rossiya tarkibida qolishiga va’da berdi.
Hindustan Times: Putin Ukrainada zudlik bilan o‘t ochishni to‘xtatishga va’da berdi, ammo shartlarni ilgari surdi. Bayonot Italiyada bo‘lib o‘tgan G7 sammiti fonida va Shveysariyada bo‘lib o‘tadigan konferensiya arafasida qilingan.
