Prezident: «Allohdan qo‘rqadigan jamiyat tuzilganida edi, Konstitusiyaga ehtiyoj qolmasdi»

Qirg‘iziston prezidenti Sooronbay Jeenbekov mamlakatda dinning o‘rni haqida o‘z fikrlarini bildirib o‘tdi.

Ansar.ru saytining xabar berishicha, press konferensiya davomida jurnalist Jeenbekovdan ateistlarga qanday munosabatda ekanligini so‘radi.

Ko‘pchilik meni juda ham dindor ekanligimni ta’kidlaydi. Allohga bo‘lgan ishonch insonlarni ko‘plab dunyoviy muammolardan asraydi va qonunlarni buzmaslikka undaydi. Agar Allohdan qo‘rqadigan jamiyat tuzilganida edi, Konstitusiyaga ehtiyoj qolmasdi .

Shuningdek, Qirg‘iziston prezidenti barcha insonlarga, dinga bo‘lgan munosabatlaridan qat’iy nazar, bir xil munosabatda bo‘lishini ta’kidladi.