Peskov: AQShning Ukrainaga yordami Vashingtonni yanada boyitadi va Ukrainani vayron qiladi

Kreml AQSh Kongressi Vakillar palatasi tomonidan Kiyevga harbiy yordam ko‘rsatish to‘g‘risidagi qonun loyihasini ma’qullaganiga munosabat bildirdi va bu Ukrainani yanada battar ahvolga solishini aytdi.

Bu haqda Rossiya prezidenti matbuot kotibi Dmitriy Peskov ma’lum qildi.

«Ukrainaga yordam ko‘rsatish to‘g‘risidagi qaror kutilgan edi va bu Amerika Qo‘shma Shtatlarini boyitadi va Ukrainani yanada vayron qiladi, Kiyev rejimining aybi bilan ko‘proq ukrainaliklarning o‘limiga sabab bo‘ladi», — dedi u.