Ostonadaga barcha masjidlarda ehson uchun terminal o‘rnatildi

Qozog‘iston poytaxtidagi masjidlarda xayr-ehson ishlarida moliyaviy shaffoflikni qo‘llab-quvvatlash maqsadida o‘nta terminal ajratildi. Shulardan biri Hazrat Sulton masjidiga o‘rnatildi, deya xabar bermoqda Muslim.kz.

Qozog‘iston musulmonlar idorasi raisi, muftiy Serikbay O‘ray mazkur terminalning ishlash holatini tekshirib ko‘rdi va masjidning hisobiga ehson o‘tkazdi.Ma’lum qilinishicha, bunday terminallar poytaxat Ostonadagi barcha masjidlarida mavjud. Texnologiyadan samarali foydalanishni ko‘zda tutuvchi mazkur loyiha kelgusida mamlakatning boshqa hududlarida ham tatbiq etiladi.

Manba: azon.uz