Orban o‘q o‘tkazmaydigan jilet kiyadimi?

Vengriya hukumati rahbari Viktor Orban Slovakiya bosh vaziri Robert Fisoga uyushtirilgan suiqasddan so‘ng o‘q o‘tkazmaydigan jilet kiygani yo‘q va kiymaydi. Bu haqda Orban Blikk.hu portaliga bergan intervyusida tegishli savolga javob berar ekan aytdi.

«Men hech qachon o‘q o‘tkazmaydigan jilet kiymaganman va hozir ham kiymayman», dedi Vengriya Bosh vaziri.

Robert Fisoga suiqasd 15 may kuni Gandlova shahrida sodir bo‘ldi. Hodisa bosh vazir hukumat yig‘ilishini tark etganidan keyin sodir bo‘lgan.

Hujum qilgan shaxs 71 yoshli yozuvchi Yuray Sintula bo‘lib chiqdi, u siyosatchiga bir necha marta o‘q uzgan.