Moskva Yerevanga norozilik notasini yubordi. Bunga nima sabab bo‘ldi?

Armanistonning Ukrainadagi elchisi Vladimir Karapetyanning Buchaga tashrifi Moskva tomonidan ochiqdan-ochiq nodo‘stona qadam sifatida baholanib, respublika Tashqi ishlar vazirligiga norozilik notasi yuborildi.

Bu haqda TASS agentligiga bergan intervyusida Rossiya Tashqi ishlar vazirligi rasmiy vakili Mariya Zaxarova ma’lum qildi.

«Yordamning Ukraina Qurolli kuchlari ehtiyojlariga o‘tkazilishi va u yerda Rossiyaga qarshi qilingan qabul qilib bo‘lmaydigan bayonotlar munosabati bilan Armaniston TIVga norozilik notasi yuborildi», dedi diplomat.