JARda avtohalokat tufayli 45 kishi qurbon bo‘ldi

Janubiy Afrika Respublikasi Limpopo viloyatida avtobus ko‘prikdan qulab tushib, kamida 45 kishi halok bo‘lgan. Bu haqda “SABC” radiostansiyasi xabar tarqatdi.

– Mokopan va Marken tumanlari orasidagi tog‘ dovonida ketayotgan avtobus boshqaruvi nazoratdan chiqib, mashina ko‘prikdan qulagan va yonib ketgan, deyiladi axborotda. – Natijada qirq besh yo‘lovchi hayotdan ko‘z yumdi.

Mamlakat transport vaziri Sindisive Chikunga ma’lum qilishicha, omon qolgan birgina sakkiz yoshli qizaloq kasalxonaga yotqizilgan, yana bir ayolning joni shifoxonaga olib ketilayotganda uzilgan.