Jahon valyuta zaxiralarida dollarning ulushi eng past darajaga tushdi

Jahon valyuta zaxiralaridagi dollarning ulushi 2024 yilning uchinchi choragida so‘nggi 30 yillikdagi minimal darajaga yetdi, deya xabar beradi RIA Novosti Xalqaro valyuta jamg‘armasi (XVJ) ma’lumotlari tahliliga ko‘ra.

Amerika valyutasining xalqaro zaxiralardagi ulushi ketma-ket ikkinchi chorakda kamaydi - iyul-sentyabr oylarida u 0,85 foiz punktga, yil davomida esa 1,8 foizga kamaydi. Chorak yakuniga ko‘ra, bu ko‘rsatkich 57,4 foizga qisqardi, bu 1995 yildan beri qayd etilgan minimal ko‘rsatkich.

Valyuta zaxiralarida pasayishi kuzatilayotgan yana bir valyuta — Shveysariya franki bo‘lib, uning ulushi aprel-iyun oylarida 0,2 foizdan 2021 yil oxiridan beri eng past 0,17 foizga tushib ketdi.

Dollar va frank ulushining pasayishining asosan yevro hisobiga bo‘ldi: uchinchi chorakda uning ulushi 20,02 foizgacha oshdi, aprel-iyun oylarida esa 19,75 foizni tashkil etdi. Zaxira hisoblanmaydigan valyutalar yana 0,23 foiz punktini qo‘shdi - endi ular barcha zaxiralarning 4,46 foizini tashkil qiladi. Yenanning ulushi esa chorakda 0,22 foiz punktga oshib, 5,82 foizni tashkil etdi, bu 2021 yil mart oyi oxiridan beri eng yuqori ko‘rsatkichdir.

Yuanning ulushi iyul-sentyabr oylarida ketma-ket pasayganidan (-2,14%) keyin yana oshdi (+2.17%). Boshqa zaxira valyutalarining ulushi ham biroz oshdi - funt sterling va Avstraliya dollari - 0,03 foiz punktiga, Kanada dollari - 0,06 ga.

AQSh dollar yordamida Rossiyaga qarshi misli ko‘rilmagan moliyaviy sanksiyalar kiritganidan so‘ng dunyoning ko‘plab davlatlari dollarga muqobil qidirmoqda. Aksariyat markaziy banklar aktivlarni oltinga yoki boshqa qimmatbaho qog‘izlarga o‘tkazib, risklarni kamaytirmoqda.

Ushbu tendensiya goh yaqqol, goh yashirin davom etmoqda. Hatto dollorning asosiy ustunlaridan biri bo‘lgan neft savdosini ham bundan buyon boshqa valyutalarda olib borish mumkin.