Isroil Rafahdan mumkin bo‘lgan evakuasiya va armiya hujumiga tayyorgarlik ko‘rmoqda
Isroil bosh vaziri Binyamin Netanyaxu Isroilning kutilayotgan hujumi oldidan G‘azo sektoridagi Misr bilan chegaradagi Rafah shahridan tinch aholini evakuasiya qilish rejasini tayyorlashni buyurdi. Bu haqda The Times of Israel gazetasi xabar bermoqda.
«Hamasni yo‘q qilish maqsadimizga ularning to‘rtta batalonini Rafahda qoldirish orqali erishib bo‘lmaydi. <...> Boshqa tomondan, Rafahdagi keng ko‘lamli operasiya tinch aholini jangovar zonalardan evakuasiya qilishni talab qilishi aniq», — deyiladi bosh vazirlik idorasi bayonotida.
Netanyaxu fuqarolarni evakuasiya qilish va Isroil mudofaa kuchlarining Rafahdagi hujumini o‘z ichiga olgan ikki tomonlama reja tayyorlashni so‘radi. Isroil bu aholi punktini HAMAS terrorchilik guruhining oxirgi tayanchi deb atagan.
