Britaniya Rossiya yadro quroliga qarshi raketalar yaratmoqchi

Britaniya rasmiylari Rossiya yadro quroliga qarshi uzoq masofali qurollarni yaratishni muhokama qilmoqda . Bu haqda Britaniya mudofaa vazirligidagi manbalarga tayanib, The Times gazetasi xabar berdi .

«Britaniya Rossiyadan uchirilgan yadro qurolini yo‘q qila oladigan uzoq masofaga uchuvchi raketalarni yaratish imkoniyatini ko‘rib chiqmoqda», — deb yozadi nashr.

Ta’kidlanishicha, kamida 3,2 ming kilometr masofadagi nishonga tegishi mumkin bo‘lgan uzoq masofali raketa qurollarini yaratish g‘oyasi yaqinda Germaniyaga tashrif buyurgan Britaniya mudofaa vazirligining yangi rahbari Jon Xiliga tegishli . Ehtimol, muallifning fikriga ko‘ra, loyiha Britaniya-Germaniya qo‘shma loyihasi bo‘ladi.