Birinchi turk kosmonavti Alper Gezeravji vataniga qaytdi
Xalqaro kosmik stansiyada (XKS) Axiom-3 (Ax-3) missiyasi doirasida topshiriqlarni muvaffaqiyatli bajargan turk astronavti Alper Gezeravji AQShdan Turkiyaga qaytdi, deb xabar beradi Kazinform agentligi Anadoluga tayanib.
Turk kosmonavti Alper Gezeravji bo‘lgan Ax-3 ekipaji bilan Dragon kapsulasi 9 fevralm kuni Florida (AQSh) qirg‘oqlari yaqinida okeanga qo‘ndi.
Gezeravji AQShdagi tekshiruv va kuzatishlardan so‘ng Turkiya Prezident ma’muriyati samolyotida Anqaraga uchdi.
Uni Turkiya poytaxtidagi Esenbog‘a aeroportida Turkiya sanoat va texnologiya vaziri Mehmet Fotih Kacir, Turkiya tijorat agentligi (TUA) rahbari Yusuf Kirach, Turkiya Ilmiy-texnologik tadqiqot kengashi rahbari (TÜBİTAK) Hasan Mandal va ikkinchi turk astronavti Jihangir Atasever kutib oldi.
Samolyot zinapoyasida 13 nafar bola Gezeravjiga gul taqdim etdi. U, o‘z navbatida, bolalarga o‘zi bilan XKSga olib borgan 13 ta turk bayrog‘ini berdi.
Alper Gezeravja oilasi ham xuddi shu samolyotda Anqaraga yetib keldi.
Ax-3 ekipaji bo‘lgan Dragon kapsulasi 18 yanvar kuni NASAning Floridadagi Kennedi koinot markazidan muvaffaqiyatli uchirildi.
Parvozi taxminan 36 soat davom etgan Ax-3 ekipaji 20 yanvar kuni XKSga yetib bordi.
Ekipaj tarkibiga Maykl Lopez-Alegria (AQSh), Valter Villadei (Italiya), Markus Vandt (Shvesiya) va Turkiya tarixidagi birinchi astronavt bo‘lgan Alper Gezeravji kirdi.
