Bayden Kiyevga yangi yordamni e’lon qildi va Zelenskiydan kechirim so‘radi

Qo‘shma Shtatlar Ukrainaga 225 million dollar miqdorida yangi harbiy yordam paketini o‘tkazadi Oq uy prezidenti Jo Bayden Ukraina prezidenti Vladimir Zelenskiy bilan Parijda bo‘lib o‘tgan uchrashuvda yangi mablag‘ ajratilishini ma’lum qildi.

Uchrashuvda AQSh Mudofaa vaziri Lloyd Ostin va Davlat kotibi Entoni Blinken ham ishtirok etdi.

«Bugun men 225 million dollarlik qo‘shimcha paketni imzolayman, bu sizga elektr tarmog‘ini tiklashga yordam beradi», dedi Bayden Zelenskiyga. Ukrainaning Moskvaga Amerika qurollari bilan hujum qilishini taqiqlagan Amerika yetakchisi , shuningdek, yordam berishdagi kechikish uchun Zelenskiydan uzr so‘radi.

Keyinchalik ma’lum bo‘lishicha, Bayden noto‘g‘ri ravishda Ukraina elektr tarmoqlarini tiklash uchun yordam ajratilishini e’lon qilgan. TASS xabariga ko‘ra , keyinchalik aniqlik kiritilishicha, u oddiy o‘q-dorilar uchun mo‘ljallangan.

Associated Press xabariga ko‘ra, yangi yordam paketiga HIMARS ko‘p uchiruvchi raketa tizimlari uchun o‘q-dorilar, havo hujumiga qarshi mudofaa tizimlari uchun Hawk raketalari, Stinger yer-havo raketa tizimlari, Javelin tankga qarshi raketa tizimlari, zirhli transport vositalari va patrul katerlari bo‘lishi mumkin .

Bayden bilan uchrashuvidan oldin Zelenskiy Fransiya Milliy Assambleyasidagi nutqida harbiy harakatlarni to‘xtatish niyati yo‘qligini aytdi. “Bu urush hozir mavjud bo‘lgan yo‘nalishda davom etishi mumkinmi? Yo‘q, - dedi u.

Eslatib o‘tamiz, aprel oyi oxirida Bayden Isroil, Ukraina va Tayvanga 95 milliard dollarlik qurol-yarog‘ yetkazib berish bo‘yicha qonun loyihalari paketini imzolagan edi, shundan 61 milliard dollari Kiyev uchun ajratilgan.