Япониянинг Ойга қўнувчи қурилмаси учинчи ой кечасида омон қолди
Япония аэрокосмик тадқиқотлар агентлиги (JAXA) расмийлари чоршанба куни Ойни ўрганиш учун мўлжалланган “Smart Lander” (SLIM) Ер билан алоқани муваффақиятли ўрнатгани, Ой сиртини суратга олиш ва ўрганишни давом эттираётганини маълум қилди. Бу ҳақда “The Japan Times” ёзиб чиқди.
Ҳисоботда айтилишича, Ойдаги ускуна табиий йўлдош фазасининг энг эрта нуқтасида олинган тасвирни эълон қилган, натижада қисқароқ соялар билан ёрқинроқ тасвир пайдо бўлган.
“SLIM” 15 кунгача давом этадиган Ой қоронғусига чидаш учун мўлжалланмаган, чунки у ерда ҳарорат минус 170 даража Цельсийгача тушади.
Қурилма Ой сиртига қўнганидан сўнг, дарҳол қувват ишлаб чиқара олмади ва “sleep” (уйқу) ҳолатига кирди. “JAXA” у ерда тунда ҳароратнинг пасайишини кутган эди.
Аммо саккиз кундан кейин қуёш нурлари ускунанинг қуёш батареяларига етиб боргач, “SLIM” ўзининг кўп тармоқли спектроскопик камераси ёрдамида қувватни ёқиш ва тасвирларни “JAXA”га юбориш имконини берди.
Шундан сўнг, “JAXA” Ойдаги қурилма ҳали ҳам ишлаётгани ва Ер билан алоқада эканлигини эълон қилди.
“SLIM”нинг ҳозирги миссияси осмон жисмининг келиб чиқиши ҳақида кўпроқ маълумот олиш учун Ой юзасидаги жинсларни батафсил ўрганади. Лойиҳа “JAXA” ва Япониянинг бир қатор институтлари тадқиқотчилари ўртасидаги ҳамкорликни ўз ичига олади.
