Витилигоси бор киши коронавирусга чалинса, оқ доғлари кўпайиб кетадими?

➖Витилиго касаллиги аутоиммун жараён билан кузатиладиган касаллик бўлиб, уни келиб чиқишида турли хил омиллар таъсир этади. Коронавирус таъсирида ҳам аҳолининг 4 фоизида аутоиммун жараён кузатилиши оқибатида, цитокин шторми кузатилади. 

❗️Олимларнинг таъкидлашича, аутоиммун жараён билан кечадиган касалликларни ўтказаётган беморлар организмида иммун тизим бу жараённи назорат қилишга мослашган бўлади. 

🔹Бунда, сурункали аутоиммун касаллиги,  масалан, витилиго касаллигида кечаётган аутоиммун жараённи организм бошқаришни ўргангани боис, ташқи вирус, яъни коронавирус организмга тушганида, унинг натижасида организмда келиб чиқиши мумкин бўлган аутоиммун жараённи олдини олиш хусусияти ишга тушиб, касаллик оғир кечуви кузатилмаслиги мумкин.

Лекин бу дегани Витилиго касаллиги каби аутоиммун жараённи кечираётган беморлар коронавирус касаллиги билан касалланса енгил даражада ўтади ва ҳимояланмаслик, профилактика қилмаслик мумкин деган фикр эмас. Бундай ҳолатлар инсон организмга тушган вирус ҳажмига боғлиқ бўлади, агарда организмга жуда ҳам кўп миқдорда вирус тушса, ёки касалликдан тўлиқ тузалмасдан туриб беморлар билан контактда бўлиб яна вирус организмга тушса касаллик оғир кечувида ўтиши кузатилади.

Шунинг учун, бугунги кунда ва доимий равишда бу касалликдан ҳимояланиш, ниқоб ва қўлқопларни тақиш, қўлларни доимий равишда совунлар билан юқиш ёки антисептик воситалар билан ишлов бериш ҳамда одамлар кўп жойларда масофани сақлаш ўз долзарблигини йўқотмаган.