Буюк Британия ва АҚШ жосуслари Украинадаги уруш ҳақида баёнот берди
АҚШ Марказий разведка бошқармаси директори Билл Бернс ва Буюк Британия МИ6 бошлиғи Ричард Мур шанба куни Россия босқинига қарши курашда Ғарбнинг Киевни қўллаб-қувватлаши жаҳон тартибига таҳдидлар кучайиб бораётган бир пайтда муҳим экани ҳақида огоҳлантирди.
«(Украинада) бу йўлда қолиш ҳар қачонгидан ҳам муҳимроқ. [Россия президенти Владимир] Путин Украина суверенитети ва мустақиллигини йўқотишда муваффақият қозона олмайди», - дейилади Британиянинг Финанcиал Тимес газетасида чоп этилган мақолада.
Улар ўз агентликлари «Россия разведкаси томонидан Европа бўйлаб қўпорувчилик кампанияси»га қарши курашишда саъй-ҳаракатларини давом эттиришини айтишди ва Россия дезинформацияни тарқатиш учун «технологиядан фойдаланаётганини» айтишди.
Россия Ғарбнинг АҚШ ва бошқа давлатларни беқарорлаштиришга қаратилган саботаж ва дезинформацион кампанияларни амалга ошираётгани ҳақидаги айбловларини рад этган.
