Украина бош разведкачиси Украина Қуролли Кучларининг янги дронлари ҳақида гапирди
Ҳозирда мутахассислар, шу жумладан разведка Бош бошқармаси вакиллари томонидан ишлаб чиқилаётган Украина учувчисиз тизимлари аллақачон Россиянинг ҳарбий объектларига 1800 км масофада зарба беришга имкон беради.
Бу ҳақда Украина Мудофаа вазирлиги разведка бошқармаси бошлиғи Кирилл Буданов маълум қилди.
«Украинанинг тинч шаҳарлари учун доимий таҳдид манбаи бўлган ҳарбий аэродромлар ҳаво ҳужумларидан титраяпти. Уруш учун ишлайдиган бутун Россия инфратузилмаси йўқотишларга дучор бўлади. Чунки Россия ўзини ҳимоя қилиш ўрнига, асоссиз уруш ва суверен давлат ерларига ҳужум қилишнинг ёлғон йўлини танлади», деб ёзади у.
Будановнинг таъкидлашича, бу йил ҳарбий разведка ходимларининг ҳаракатлари туфайли Украина русларни Қора денгиз флотини «хавфсиз» масофага ўтказишга «мажбур қилди». "Украинага қарши кенг кўламли тажовузни бошлаб, Россия армияси ва унинг тузилмалари учун хавфсиз жой ҳозир мавжуд эмас. Жазони кейинга қолдириш мумкин, лекин ҳеч қачон бекор қилинмайди”, деб ҳисоблайди у.
Будановнинг таъкидлашича, йил давомида разведка бошқармаси кибермутахассислари ўнлаб операцияларни амалга ошириб, Украина учун қимматли маълумотларни қўлга киритган, Россия маълумотлар базаларига кириб, алоқанинг заиф томонларини аниқлаган. Унинг ишонтиришича, бу ҳозир Украина ҳарбий разведкаси ихтиёрида бўлган Россия ҳарбий-сиёсий қўмондонлиги фаолияти ҳақидаги ягона маълумот манбаи эмас.
