Украина Россия аэродромидаги ҳужумни тасдиқлади

Украина армияси тунда Липетск вилоятидаги Россия аэродромига зарба бериб, ўқ-дорилар омборларини вайрон қилганини тасдиқлади.

«Кеча тунда Украина мудофаа кучлари Липетск аэродромига ҳужум қилди», — деди Украина Бош штаби Телеграмъдаги хабарида ва у «бошқариладиган ҳаво бомбалари омборлари ва бир қатор бошқа объектларга» зарба берганини қўшимча қилди.

«Бир нечта чақнаш манбалари қайд этилди, катта ёнғин чиқди ва кўплаб портлашлар кузатилди», — дейилади постда.

Аэродромда Россиянинг Су-34, Су-35 ва МиГ-31 самолётлари жойлашгани қўшимча қилинган.

Эслатиб ўтамиз, аввалроқ Россия «йирик» дрон ҳужуми ҳақида хабар бериб, минтақада фавқулодда ҳолат эълон қилган ва эвакуация қилишга буйруқ берган эди.