Чехиядаги сув тошқинлари қурбонлари сони ортиб бормоқда
Чехиядаги сув тошқини натижасида 3 киши ҳалок бўлди, яна 8 киши бедарак йўқолган деб ҳисобланади.
Бу ҳақда "Чехия радиоси" хабар берди.
Илгари бир кишининг ўлими маълум бўлган, яна 7 нафари бедарак йўқолганлар рўйхатига киритилган эди.
"Якшанба куни республика шимоли-шарқидаги Красовец дарёсидан ўлик аёлнинг жасади топилди. Душанба куни яна икки эркакнинг жасади топилган, улардан бири сув босган квартирада бўлган, саккиз кишини қидириш ишлари олиб борилмоқда”, — дейилади хабарда.
13 сентябрдан буён Чехия Республикасининг деярли бутун ҳудудида тўхтовсиз ёғаётган ёмғир дарёлар ва бошқа сув ҳавзаларида сув сатҳининг кескин кўтарилишига ва бир қатор аҳоли пунктларини сув босишига олиб келди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
