Россияда Robinson вертолёти ғойиб бўлди
Robinson вертолёти Амур вилоятидаги чекка ҳудудда ғойиб бўлди. Бу ҳақда туман ягона навбатчилик-диспетчерлик хизмати маълум қилди.
Вертолёт олтин қазиб олувчи участка ҳудуди узра учиб кетаётган эди. Вертолёт ғойиб бўлганлиги тахмин қилинаётган жой ботқоқли, бориш қийин бўлган ҳудудда жойлашган. Вертолёт бортида учувчи ва икки йўловчи бўлган. Қидирув ишларига 20 га яқин киши ва еттита техника жалб қилинган. Вертолёт олтин қазиб олувчи компанияга тегишли, шунинг учун унинг томонидан ҳам қидирув уюштирилган - саккиз киши ва иккита техника жалб қилинган.
Мазкур ҳолат юзасидан жиноят иши қўзғатилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
