Россия ва Украина: Қатар қай бирига чинакам дўст?
Бу йил Россия ва Украина ўртасидаги маслаҳатлашувларда воситачи бўлган Кремлнинг Яқин Шарқдаги энг яқин иттифоқчиларидан бири Киевга қурол етказиб беришга қўшилишга қарор қилди.
Қатар Германия ҳукумати билан келишув доирасида Украина Қуролли кучларига 24 та PzH 2000 русумли ўзиюрар гаубицаларни топширади, деб хабар бермоқда Bild вазиятдан хабардор манбаларга таяниб.
Агентлик суҳбатдошларининг сўзларига кўра, Қатар армияси мавжуд немис гаубицалари паркининг ярмини Украина Қуролли кучларига ўтказади ва бунинг эвазига Берлиндан янги машиналар партияларини олади. Гап Қатар умумий қиймати 100 миллион евро бўлган қурол-яроғ битими доирасида оладиган замонавий RCH 155 ғилдиракли гаубицалари ҳақида бормоқда.
Украина учун гауитсалар дастлаб Германияда таъмирланади, деб ёзади Bild. Уларни комплекс модернизация қилиш дастури Украина Қуролли Кучлари эҳтиёжларига мувофиқ дастурий таъминотни янгилаш ва ўзгартиришларни ўз ичига олади ва жараён Германиянинг энг йирик мудофаа концернлари - KMW ва Rheinmetall томонидан назорат қилинади.
Россия расмийлари бир неча бор Қатарни Россиянинг Яқин Шарқдаги «стратегик» ва «асосий» ҳамкори деб атаган. 2016 йилда Қатар суверен жамғармаси (QIA) Роснефт акцияларининг деярли 20 фоизини 10 миллиард долларга сотиб олди, бу Россия иқтисодиёти ва буджетини Қримнинг аннекция қилиниши ва нефть нархининг қулаши сабабли юзага келган инқироздан де-факто сақлаб қолди. Шартнома тузилгандан сўнг Россия президенти Владимир Путин QIA ижрочи директори ва қироллик оиласи аъзоси Абдулла бин Ол-Тани «Дўстлик» ордени билан тақдирлади. Ўша йили Қатар фонди Пулково аэропортининг бошқарув компанияси бўлган Нортҳерн Cапитал Гатеwай консорциумининг 25% улушини сотиб олди.
