Украина президенти Саудия Арабистонига келди

Зеленскийнинг хабар беришича, у Саудия валиаҳд шаҳзодаси Муҳаммад ибн Салмон ал-Сауд билан Украина "тинчлик формуласи"ни ва "глобал жануб" мамлакатлари иштирокида тинчлик саммити ўтказишни муҳокама қилади.

Шунингдек, маҳбуслар ва депортация қилинганларни қайтариш, иқтисодий ҳамкорлик ва Саудия Арабистонининг Украинани тиклашдаги иштироки масалалари муҳокама қилинади.

25 феврал куни Россия Давлат думаси раиси Вячеслав Володин ҳам Саудия Арабистонига ташриф буюрган ва валиаҳд шаҳзода билан учрашган эди.