Трамп олтита асосий штатда машҳурлик бўйича Байдендан олдинда бормоқда
АҚШнинг собиқ президенти Дональд Трамп бўлажак президентлик сайловлари натижаларини ҳал қилиши мумкин бўлган олтита штатда қўллаб-қувватлаш бўйича Оқ уйнинг амалдаги вакили Жо Байдендан олдинда, деб хабар беради ТАСС.
Американинг Emerson College университетининг таҳлилий хизмати ва The Hill газетаси томонидан ўтказилган сўров натижаларига кўра, Трамп Байдендан Аризонада (47% дан 43%), Жоржияда (45% да 41%), Висконсинда (47% дан 44%), Невадада (46% дан 43%), Пенсильванияда (47% дан 45%) ва Мичиганда (46% дан 45%) устунликка эга. Қайд этилишича, сўров иштирокчиларининг аксарияти собиқ президент ва Американинг амалдаги етакчисининг ўғли Хантер Байденга нисбатан чиқарилган айбловлар уларнинг овозларига таъсир қилмаслигини маълум қилган.
Сўров 13 июндан 18 июнга қадар ўтказилди. Унда ҳар бир штатдан рўйхатга олинган 1 минг нафар америкалик сайловчи иштирок этди.
5 ноябрь куни АҚШда навбатдаги сайловлар бўлиб ўтади. 81 ёшли демократ Жо Байден ва 77 ёшли республикачи Дональд Трамп икки етакчи партиядан Вашингтон маъмурияти раҳбари лавозимига номзод сифатида расман кўрсатилишини аллақачон кафолатлаган. Уларнинг номзодлари июль ва август ойларида республикачилар ва демократларнинг миллий партия қурултойларида расман тасдиқланиши керак. Шу тариқа кураш тўрт йил аввал, Байден президентликка қайта сайланмоқчи бўлган Трампни мағлубиятга учратганидек, худди шу номзодлар ўртасида бўлишини тахмин қилиш мумкин.
