Тошкентдаги очиқ майдонларнинг бирида ёнғин содир бўлди

Тошкент шаҳар ФВБ матбуот хизмати Янгиҳаёт туманида содир бўлган ёнғин тўғрисида маълумот берди.

Маълум қилинишича, 23 июнь куни соат 19:47да Тошкент шаҳар, Янгиҳаёт тумани, Янги Чоштепа МФЙ, Ўзар кўчасида очиқ майдонда қуруқ ўт ва шох шабба ёнаётганлиги тўғрисида Тошкент шаҳар ФВБга хабар тушган.

Шунга кўра, 2 та ёнғин-қутқарув экипажи соат 19:59 да воқеа жойига етиб бориб, ёнғин соат 20:24 да ўчирилган.

Содир бўлган ёнғин натижасида очиқ майдонда қуруқ ўт ва шох шабба ёниб зарарланган. Ёнғин сабаби аниқланмоқда.

Ҳодиса оқибатида тан жароҳати олган ва ҳалок бўлганлар тўғрисида маълумот келиб тушмаган.