Столтенберг: Иттифоқчилар Украинага ёрдамни кучайтириши керак

НАТО бош котиби Йенс Столтенберг альянс Россияга узоқ вақт қаршилик кўрсатишини айтди. У Европа давлатларини қурол ишлаб чиқаришни кўпайтиришга чақирди.

Германиянинг Welt am Sonntag газетасига берган баёнотида, Украина урушига ишора қилиб, у Европа иқтисодиёти кўпроқ қурол ва ўқ-дорилар ишлаб чиқаришга эътибор қаратиши кераклигини айтди.

«Украинага этказиб беришни кўпайтириш ва ўз захираларимизни тўлдиришимиз учун саноат базамизни тезда яхшилашимиз ва кенгайтиришимиз керак», деди Столтенберг ва бу тинчлик давридаги секин ишлаб чиқаришдан можаролар вақтида зарур бўлган тез ишлаб чиқаришга ўтишни англатади.

Бош котибнинг қўшимча қилишича, эркин бозор мамлакатларида қурол ишлаб чиқарувчи компаниялар ишлаб чиқаришни кўпайтириш учун имзоланган шартномаларга муҳтож: «Европа саноати бундай шартномаларга кўпроқ муҳтож ва уларни тезроқ имзолаш керак».

Ғарб давлатларининг ишлаб чиқаришда ҳам, сармояда ҳам Россиядан ўзиб кетиш имкониятлари борлигини таъкидлаган Столтенберг, «Ғарбнинг иқтисодий ва саноат қудрати Россияникидан ошиб кетади» деб таъкидлади.